Son 29 ildə Ermənistan əhalisinin sayı 700 min nəfərədək azalıb.
Pressaz.info “Sputnik Ermənistan”a istinadən xəbər verir ki, ölkədə demoqraifk böhranın əsas faktoru kimi doğum sayının aşağı olması və miqrasiya göstərilir.
Belə ki, 1992-ci ilin əvvəlində Ermənistan əhalisinin sayı 3 milyon 633,3 min nəfər təşkil edib. 2020-ci ilin dördüncü rübündə bu rəqəm 2 milyon 967,9 min nəfər olub. Son 29 il ərzində ölkədə faktiki olaraq hər il əhalinin sayı azalıb. Müstəqillik illərində Ermənistana gələnlərin sayı ölkədən gedənlərin sayından az olub. 
2020-ci ildə ölkəni tərk edənlərin 90%-i Rusiyaya yollanıb. Onların yalnız 50,4%-i 3 və ya daha çox aydan sonra Ermənistana qayıdıb.
Bundan başqa, əgər Ermənistanda 1991-ci ildə 77 min uşaq doğulubsa, 2020-ci ildə 36 448 uşaq dünyaya gəlib. Ölkədə doğum nisbəti 1,7-dir, yəni çox sayda ailənin ikinci uşağı belə yoxdur.Modern.az




Loading...