Ümumdünya Səhiyyə Təşkilatının (ÜST) mütəxəssisləri koronavirusun ortaya çıxmasının yeni səbəbini açıqlayıb.

Bu barədə "Report” "Bloomberg”ə istinadən xəbər verir.

Agentliyin məlumatına görə, növbəti həftə təşkilatın Çinin Uhan şəhərinə ekspedisiyada iştirak etmiş ekspertlərinin işlədiyi məruzənin nəşri gözlənilir.

Bununla birlikdə qeyd edilir ki, hazırlanmış sənədlər "yekun nəticədən çox uzaq" ola bilər.

ÜST-ün materiallarına görə, COVID-19-un ortaya çıxmasına Çində heyvan ticarəti təsir edə bilər. İddialara görə, mütəxəssislər koronavirus və virus arasında kəskin respirator sindromuna səbəb olan oxşarlıqların bir versiyasına istinad edirlər. Əvvəlcə virusun daşıyıcıları yarasalar olub, amma sonra kiçik məməlilər insanlar arasında vasitəçi olub.

Çinə səfər etmiş ekspertlər qrupuna daxil olan Avstraliya mikrobioloqu Dominik Duayer güman edir ki, koronavirus Uhanda yoluxmuş bir heyvandan yayılmağa başlayıb.

Bundan əvvəl ÜST COVID-19-un laboratoriyadan sızması versiyasından imtina ediblər. Uhanda Çinin ÜST-ün missiyası ilə işləmiş mütəxəssislər qrupunun rəhbəri Lyan Vannyan bildirib ki, əgər ortaya yeni sübutlar çıxsa, bu versiyanı yenidən nəzərdən keçirə bilərlər. Vannyan qeyd edib ki, rəsmi hesabat hələ dərc edilməyib, amma bu, mütəxəssislər arasında fikir ayrılıqlarının olması ilə bağlı deyil.

Qeyd edək ki, 31 dekabr 2019-cu ildə Çin hakimiyyəti Uhan şəhərində pnevmoniyanın yayılması haqqında bildirib. Martın 11-də Ümumdünya Səhiyyə Təşkilatı yeni koronavirusu pandemiya elan edib.




Loading...