Bakı Sağlamlıq Mərkəzində rentgen aparatı ehtiyatsızlıqdan uşağın ayağını sındırıb.

Pressaz.info xəbər verir ki, ayağı sınan Əhmədov Aslan tibbi mərkəzdə Fəridə adlı texnik tərəfindən döş qəfəsinin rentgen müayinəsi olunub.
Qan xərçəngi ilə mübarizə aparan azyaşlının növbətçi hematoloq həkimin göndərişi əsasında kimyadan ayaqları tutulduğu üçün texnik tərəfindən stulda oturdularaq rentgen edilməsi qərara alınıb.
Rentgen müayinəsi zamanı texnikin ehtiyatsızlığı nəticəsində rentgen aparatı uşağın ayağına düşüb. Halbuki uzanıq şəkildə də müayinə etmək olarmış.
Məlumata görə, hadisədən bir gün keçəndən sonra uşaqda güclü ağrılar başlayıb və martın 9-da Travmatologiya İnstitutunda həkim müayinəsinə aparılıb, rentgen olunub. Rentgen nəticəsində məlum olub ki, Bakı Sağlamlıq Mərkəzindəki aparat onun ayağını sındırıb.
Hazırda uşağın sol ayağı gipsə salınıb və bütün kimyaterapiyaları dayandırılıb. Faktla bağlı polis bölməsinə məlumat verilib, hadisə yerinə baş çəkilib, protokol tərtib edilib, izahat və ərizə yazılıb, istintaq aparılır.Reportyor.info




Loading...